牛仔褲保養大法 - 基本篇

牛仔褲保養大法 - 基本篇

牛仔褲呢個就人人都有，不過你又有無試過條褲愈洗就愈甩色，愈黎愈唔似岩岩玩牛果時個樣？買過條新之後，情況又一已再，再已三咁發生！又或者聽過好多千年唔洗牛仔褲又係唔係正確既做法？今日你睇呢個Post 就岩晒！今日正正就係牛仔褲保養大法 - 基本篇！

1. 保色處理

平時大家洗牛既時候，有無發現到牛仔褲好易有甩色既現象出現既呢！由於牛仔褲既顏色係漂染上去，所以响洗滴既情況不多不少都會有甩色既現象！為左減輕呢個甩色現象，你可以使用白醋大約10cc 左右，將牛仔褲既正反兩面分別浸泡半個小時！牛仔褲既甩色現實就會大大咁減小，咁就可以保留返牛仔褲原有既光澤啦！

2. 肥皂或洗潔精或消毒酒精

平時大家如果真係需要洗條牛仔褲既時候，大家都唔好選擇用洗衣粉！因為洗衣粉成分中會帶些微既漂白劑或螢光劑！對於牛仔褲會造成褪色，牛仔布都會變得粗糙！肥皂/洗潔精都不含漂白劑，重可以去油漬！若果牛仔褲並不是响太污糟既情況下，簡單以消毒噴霧噴下即可！

3. 切勿烘乾/燙

牛仔褲係絕對唔適合放响乾衣機，因為高溫乾衣都令牛仔褲縮水，同時改變原本褲形既形狀！另外牛仔褲都唔可以熨燙，熱力會破壞表面中的纖維，失去原本應有既軟熟！

4. 減少陽光曝曬

雖然响陽光下曝曬具有一定程度的殺菌功效，但牛仔褲其實並不適合用呢種方法，因為曬乾會容易做成腿色，掛晒風乾既時候最重要既就係放响通風既地方就可以！

5. 幾耐洗一次好？

由於牛仔褲由漂染制做而成，所以無論用咩既洗法都有一定程度既甩色！建議如果唔係太污糟就用一啲消毒噴霧保持衛生即可！若果真係需要洗先好去洗！半年/一年都係睇返你著既密度，如果唔係每日著或者只係一周一次，其實三個月至半年都無大問題！用你既體型去為牛仔褲上色啦！